ბოლო დროს გავრცელებულ ინფორმაციას, პოლიციელების მხრიდან მოქალაქეებისთვის ნარკოტიკების ჩადებაზე, საქართველოს შინაგან საქმეთა მინისტრი, გიორგი მღებრიშვილი გამოეხმაურა.
მისი თქმით, საუბარი ე.წ. ნარკოტიკების ჩადებაზე აბსურდულია.
"არავინ არავის არაფერს არ უდებს. ყველა ის განცხადება ე.წ. ჩადებებთან დაკავშირებით ემსახურება ერთ მიზანს, ეს არის მოსალოდნელი პასუხისმგებლობისგან თავის არიდება და მეტი არაფერი.
არავის შვილობა, არავის პროფესია, არ არსებობს ამ საკითხში ინდულგენცია... ის ფაქტები, რაც სახეზე გვაქვს არის რეალური ფაქტები და ყველა საუბარი ე.წ ჩადებებთან დაკავშირებით არის მოგონილი", - განაცხადა გიორგი მღებრიშვილმა.