ეკა ბესელიას სარჩელი საკრებულოს დეპუტატ ალეკო ელისაშვილის წინააღმდეგ თბილისის საქალაქო სასამართლომ ნაწილობრივ დააკმაყოფილა.
ბესელიას ადვოკატის ინფორმაციით, ალეკო ელისაშვილს დაევალა იგივე ტელეეთერით, მის მიერ გახმოვანებული განცხადებების უარყოფა და ჯარიმის სახით 1000 ლარის გადახდა.
ელისაშვილი საქალაქო სასამართლოს გადაწყვეტილებას შემდეგ ინსტანციაში გაასაჩივრებს.
ეკა ბესელიამ ალეკო ელისაშვილის წინააღმდეგ სარჩელით სასამართლოს რამდენიმე თვის წინ მიმართა. ის ელისაშვილის მიერ მასთან დაკავშირებით გაკეთებული განცხადების უარყოფას და მორალური ზიანის სახით 20 500 ლარის გადახდას ითხოვდა.
სასამართლო დავა შეეხებოდა ალეკო ელისაშვილის საჯარო განცხადებებს, რომელშიც საკრებულოს დეპუტატი ეკა ბესელიას პატიმართა შეწყალების სანაცვლოდ ქრთამის აღებაში ადანაშაულებდა.
