თბილისში თეატრისა და კინოს სახელმწიფო უნივერსიტეტში სტუდენტური ფილმების საერთაშორისო ფესტივალი "ამირანი" გაიხსნა . დღეს, 18 ივნისს, ფესტივალს ჰყავს საპატიო სტუმარი ისრაელიდან, იერუსალიმის კინოსკოლის პროფესორი - რენენ შარრი, რომელიც დღეს, ფესტივალის პირველ სამუშაო დღეს იერუსალიმის კინოსკოლის 20 წლის იუბილესადმი მიძღვნილ პრეზენტაციას და საუკეთესო სადიპლომო ფილმების არასაკონკურსო ჩვენებას წარუდგენს ფესტივალის სტუმრებს, მონაწილეებს და სტუდენტებს.
ფესტივალის ფარგლებში გაიმართება თეატრისა და კინოს სახელმწიფო უნივერსიტეტის პროფესორის ელისო ერისთავის სამაგისტრო ჯგუფის ექსპერიმენტული ფილმების არასაკონკურსო ჩვენება. დაგეგმილია 11-საათიანი, 3-დღიანი საკონკურსო კინოჩვენება, რომელზე დასწრებაც ნებისმიერ მსურველს შეუძლია, ვისაც აინტერესებს სტუდენტურ კინოში მიმდინარე პროცესები. გამარჯვებულებს გადაეცემათ ფესტივალის ჯილდოები და სერტიფიკატები.
20 ივნისს ჟიური გამოავლენს გამარჯვებულებს 5 ნომინაციაში: ჟიურის პრიზი, საუკეთესო ფილმი, რეჟისურა, ხმოვანი და ვიზუალური რიგი. გამარჯვებულებს გადაეცემათ ფესტივალის ჯილდოები და სერტიფიკატები.
წლევანდელი ფესტივალი ტარდება ეროვნული კინოცენტრის და ღია საზოგადოების ინსტიტუტის, ხელოვნებისა და კულტურის პროგრამის დაფინანსებით. ასევე, ქალაქ თბილისის მერიის მხარდაჭერით.
ფესტივალი ტარდება ეროვნული კინოცენტრის და ღია საზოგადოების ინსტიტუტის, ხელოვნებისა და კულტურის პროგრამის დაფინანსებით. ასევე, ქალაქ თბილისის მერიის მხარდაჭერით.
ფესტივალის პარტნიორები „ისი პარი", „ნაბეღლავი" და „ყავა პელე", თავის სიმპათიას თავად გამოავლენენ და დააჯილდოვებენ. ფესტივალის სტუმრებს კი 4 დღის მანძილზე „კალა ჯგუფი" უმასპინძლებს.
ფესტივალის საინფორმაციო პარტნიორები არიან: საინფორმაციო საგენტოები „ჯი-ეიჩ-ენი" და „ინტერპრესნიუსი" , გაზეთები „24 საათი" და „რეზონანსი", ასევე „პალიტრა მედია".
საზეიმო გახსნის ცერემონიალზე აღინიშნა, რომ ფესტივალში მონაწილეობას მიიღებს მოხვდა 57 ფილმი, მსოფლიოს 14 ქვეყნიდან: სამხრეთ აფრიკა, ბულგარეთი, ჩინეთი, კუბა, ესპანეთი, გერმანია, უნგრეთი, ხაზახეთი, ლიბანი, ლიტვა, პოლონეთი, პორტუგალია, უკრაინა და საქართველო.
ფესტივალის ჟიურის წევრები არიან: სტანისლავ სემერჯიევი - სოფიის დრამის და კინოს უნივერსიტეტის რექტორი (ბულგარეთი). რომელიც მსოფლიო კინო სკოლების ასოციაციის ვიცე პრეზიდენტი გახლავთ და მისი პრეზენტაციით დაიწყება ფესტივალის პირველი სამუშაო დღე. რეჟისორი მიხეილ კობახიძე, რომელიც უკვე დიდი ხანია საფრანგეთში ცხოვრობს და მოღვაწეობს, 19 ივნისს ჩაატარებს 5 საათიან მასტერკლასს კინოწარმოებაზე. ოზგურ სეიბანი - სტამბულის მარმარას უნივერსიტეტის კინო-ტელე ფაკულტეტის წარმომადგენელი 20 ივნისს გამართავს საფესტივალო შეხვედრას. საქართველოს კი "ამირანის" ჟიურიში წარმოადგენს კინომცოდნე, თეატრისა და კინოს სახელმწიფო უნივერსიტეტის პროფესორი ირინა დემეტრაძე.
