თარიღი    დრო

არასამთავრობოები პრეზიდენტს ე.წ. მოსმენების კანონზე ვეტოს დადებისკენ მოუწოდებენ

საქართველო, თბილისი - 10:53 03.20.2017 165

ე.წ. მოსმენების კანონთან დაკავშირებით ვადის ამოწურვამდე ერთი დღით ადრე, სამოქალაქო სექტორი მოუწოდებს გიორგი მარგველაშვილს ვეტო გამოიყენოს.

არასამთავრობო ორგანიზაციები მმართველი გუნდის მიერ შემუშავებული პროექტიდან მომდინარე საფრთხეებს კიდევ ერთხელ განმარტავენ. 

„მარტივად რომ ვთქვათ, ეს კანონი არის გაცილებით უარესი, ვიდრე მოქმედი რედაქცია, რადგანაც ბევრ შემთხვევაში სახელმწიფოს კონტროლის გარეშე ტოვებს და მას შეუძლია განახორციელოს ჩვენი, როგორც ინტერნეტ კონტროლი, ასევე სატელეფონო საუბრების მიყურადება,“ - განაცხადა საქართველოს დემოკრატიული ინიციატივას თავმჯდომარემ გიორგი მშვენიერაძემ.

სამოქალაქო სექტორში ამბობენ, რომ პრეზიდენტის ვეტოს დაძლევის შემთხვევაში, კანონპროექტის ჯერ საკონსტიტუციო, შემდეგ კი სტრასბურგის სასამართლოში გასაჩივრებას გეგმავენ.

„საკონსტიტუციო სასამართლოს გადაწყვეტილებაში ცალსახად ნათქვამია, რომ სახელმწიფო უსაფრთხოების მიერ აღნიშნული სისტემის ფლობა არის არაკონსტიტუციური. აქედან გამომდინარე, ჩვენ ვფიქრობთ, რომ მიზანშეწონილია გამოყენებულ იქნას ნებისმიერი სამართლებრივი ბერკეტი, რაც ხელს შეუშლის ამ კანონპროექტის კანონად ქცევა,“ - აცხადებს საერთაშორისო გამჭვირვალობა - საქართველოს საპარლამენტო მდივანი ლიკა საჯაია.




dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 80.3%
შემცირდა 16.6%
არ შეცვლილა 3.1%