თარიღი    დრო

ჩვენი განხილვის საკითხი იყო საკუთრებასთან დაკავშირებული დავა, შემდგომი პროცედურები სასამართლოს ფარგლებს გარეთაა - მოსამართლე ,,რუთავი 2"-ის საქმეზე

საქართველო, თბილისი - 16:00 03.17.2017 514

,,რუსთავი 2“-ის საქმესთან დაკავშირებით განმარტებები გააკეთა უზენაესი სასამართლოს მოსამართლე ზურაბ ძლიერიშვილმა, რომელიც ტელეკომპანიის საქმის განმხილველი დიდი პალატის შემადგენლობაში იყო.

„დაელოდეთ დიდი პალატის დასაბუთებულ მოტივირებულ გადაწყვეტილებას, სადაც თქვენ ნახავთ ბუნებრივია იმ მოტივაციას, რატომ მივიდა დიდი პალატა ამ გადაწყვეტილებამდე და ბუნებრივია, ამის მერე შეიძლება იქნეს პასუხები გაცემული, როგორც სამოტივაციო ნაწილზე, ასევე სხვა დანარჩენ საკითხებზე. სამოსამართლეო ეთიკა არ მაძლევს იმის შესაძლებლობას წინასწარ აზრი გამოვთქვა იმასთან დაკავშირებით, რაც ამ შემთხვევაში ჩემი კომპეტენცია არ არის," - აღნიშნა ზურაბ ძლიერიშვილმა ,,რუსთავი 2” - თან საუბარში.

კითხვაზე, იყო თუ არა საკმარისი ორი დღე საქმის განსახილველად და გადაწყვეტილების მისაღებად, მოსამართლე ზურაბ ძლიერაშვილი ამბობს, რომ კოლეგიას არა ორი დღე, არამედ რამდენიმე თვე ჰქონდა.

მისი თქმით, დიდი პალატის განხილვის საკითხი იყო საკუთრებასთან დაკავშირებული დავა და შესაბამისად, სასამართლომ თავისი სამართლებრივი ვალდებულება შეასრულა.

„ჩვენი განხილვის საკითხი იყო სწორედ საკუთრებასთან დაკავშირებული დავა. სასამართლომ თავის სამართლებრივი ვალდებულება შეასრულა. შესაბამისად, უკვე აღსრულების საკითხი და შემდგომ პროცედურები, ეს არის სასამართლოს ფარგლებს გარეთ.

მოსამართლემ შესაძლოა პოლიტიკური ზეგავლენით თუ სხვა გავლენებით მიიღოს გადაწყვეტილება, ეს არის სრულიად წარმოუდგენელი. მითუმეტეს, ყველასთვის კარგად არის ცნობილი, პირადად ჩემი და ჩემი კოლეგების ნეიტრალური დამოკიდებულება პოლიტიკური საკითხების მიმართ,“ - აცხადებს მოსამართლე ზურაბ ძლიერიშვილი. 




dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 80.3%
შემცირდა 16.6%
არ შეცვლილა 3.1%