საპარლამენტო უმრავლესობის წევრმა, ზაქარია ქუცნაშვილმა „განსხვავებული აქცენტების“ ეთერში ბათუმის აქციის დროს განვითარებულ მოვლენებზე, პოლიტიკური პარტიების მიერ გამოხატულ რეაქციებსა და შსს-ს რეაგირებაზე ისაუბრა. მისი თქმით, გამოძიება ეტაპობრივად გამოავლენს და დასჯის დამნაშავეებს.
„მე ვარ დაინტერესებული ერთი რამით, რომ პოლიტიკური ძალები არ იყვნენ სოლიდარულები ვანდალებთან და ყაჩაღებთან, მეორე, ხელისუფლებამ დროულად აღკვეთოს დანაშაული და მესამე, დანაშაულის აღკვეთისას ძალის პროპორციულ გამოყენებას ჰქონდეს ადგილი,“ - განაცხადა ზაქარია ქუცნაშვილმა.