საკუთრების უფლების უფრო დაბლა დაყენება, ვიდრე გამოხატვის უფლების, ჩემთვის პრობლემაა - განაცხადა ეკონომიკის მინისტრმა პრეზიდენტის პრესსპიკერის განცხადებასთან დაკავშირებით, რომლის თანახმადაც, სტრასბურგის სასამართლოს გადაწვეტილების კითხვის ნიშნის ქვეშ დაყენება საქართველოს ევროპულ მომავალზე დარტყმა იქნება.
"მესმის, ვიღაცისთვის გამოხატვის უფლება უფრო მნიშვნელოვანია, მაგრამ ჩემთვის მნიშვნელოვანია ის, რაც ეკონომიკაზე ახდენს პირველ ეფექტს. აღსრულების მექანიზმის და საკუთრების უფლების უფრო დაბლა დაყენება, ვიდრე გამოხატვის უფლების, ჩემთვის პრობლემაა. ეს არის ერთმნიშვნელოვანი და უნდა იყოს საკმაოდ მნიშვნელოვანი გადაწყვეტილების და მსჯელობის საგანი", - ამბობს გიორგი გახარია.
ადამიანის უფლებათა ევროპულმა სასამართლომ საქართველოს უზენაესი სასამართლოს გადაწყვეტილების აღსრულება 3 მარტს შეაჩერა. მესამე ინსტანციამ "რუსთავი 2" ხალვაშს 2 მარტს მიაკუთვნა. სტრასბურგის სასამართლოს გადაწყვეტილების შემდეგ შესაძლოა, ქიბარ ხალვაშმა, ტელეკომპანიაზე კონტროლის ასაღებად, საკონსტიტუციო სასამართლოს მიმართოს. მიმართვის საფუძველი კი საკუთრების საკოსნსტიტუციო უფლების შეზღუდვა გახდეს.
