სტრასბურგის სასამართლოს უზენაესი სასამართლოს გადაწყვეტილების გაუქმების შესაძლებლობა ტექნიკურად არ აქვს, - განაცხადა ვიცე პრემიერმა, ალექსანდრე ჯეჯელავამ რუსთავი 2-ის საქმესთან დაკავშირებით.
,,ინტერვიუში არასწორად იყო გამოტანილი. სტრასბურგის სასამართლო არ არის მეოთხე ინსტანცია, საქართველოში არის სასამართლოს სამი ინსტანცია და ის იღებს გადაწყვეტილებას ქონებრივ დავასთან დაკავშირებით. სტრასბურგის სასამართლო, როგორც განმარტა არა ერთმა სპეციალისტმა და პოლიტიკოსმაც, შეუძლია მიიღოს გადაწყვეტილება, დააბრუნოს სასამართლოს განხილვაში ესა თუ ის საქმე, ანუ სტრასბურგის სასამართლოს უზენაესი სასამართლოს გადაწყვეტილების გაუქმების ტექნიკურად შესაძლებლობა არ აქვს. იმასაც ვადასტურებ, რომ ჩვენ ვართ სწორედ ის ხელისუფლება, რომელიც თავის ერთერთ მიღწევად იხილავს პატივისცემას ევროსტრუქტურების და მათ შორის, სტრასბურგის სასამართლოსი,“ - განაცხადა ალექსანდრე ჯეჯელავამ.
რუსთავი2-ის საქმეზე სტრასბურგის სასამართლოს გადაწყვეტილების შემდეგ შესაძლოა, ქიბარ ხალვაშმა, ტელეკომპანიაზე კონტროლის ასაღებად, საკონსტიტუციო სასამართლოს მიმართოს. მიმართვის საფუძველი კი საკუთრების საკოსნსტიტუციო უფლების შეზღუდვა გახდეს.