რუსთავი ორის ადვოკატის თამთა მურადაშვილის თქმით, ნებისმიერი გადაწყვეტილება, რომელიც სტრასბურგის სასამართლოს წინააღმდეგ წავა, ადამიანის უფლებათა ევროპული კონვენციის 34-ე მუხლის დარღვევას გულისხმობს.
"ნებისმიერი გადაწყვეტილება ნებისმიერი ორგანოს მხრიდან, რომელიც ნებისმიერი ფორმით პირდაპირი, ძალადობრივი გზით ან არაძალადობრივი გზით, ვითომ სამართლებრივი და ფორმალურ ჩარჩოებში მოქცევით, რაიმე ფორმით ვერ აღასრულებს იმ შედეგს, რაც თქვა სტრასბურგმა, რომ უნდა დადგეს, ანუ არ აღსრულდეს უზენაესი სასამართლოს გადაწყვეტილება და არ უნდა ჩაერიოს არავინ არხის სარედაქციო პოლიტიკაში, აი, ამ გადაწყვეტილების რაიმე საწინააღმდეგო შედეგის დაყენება გულისხმობს ავტომატურად იმას, რომ საქართველო, სახელმწიფო დაარღვევს ადამიანის უფლებათა ევროპული კონვენციის 34-ე მუხლს. ეს იქნება რუსეთის შედეგის გამეორება, ასე იქცევა მხოლოდ რუსეთი" - ამბობს მურადაშვილი.
რუსთავი2-ის საქმეზე სტრასბურგის სასამართლოს გადაწყვეტილების შემდეგ შესაძლოა, ქიბარ ხალვაშმა, ტელეკომპანიაზე კონტროლის ასაღებად, საკონსტიტუციო სასამართლოს მიმართოს. მიმართვის საფუძველი კი საკუთრების საკოსნსტიტუციო უფლების შეზღუდვა გახდეს.
ინფორმაციას ამის შესახებ ინტერნეტაგმოცემა On.ge ავრცელებს. ხალვაშის ადვოკატი, პაატა სალია, სწორედ ამ მიმართულებით დავის გაგძელებას არ გამორიცხავს.
„იურისტები ვფიქრობთ, რა შეიძლება იყოს გამოსავალი ამ შემთხვევაში ისე, რომ საკურების უფლებაც დაცული იყოს და გამოხატვის თავისუფლებაც დაცული იყოს. გვაქვს ამაზე ფიქრის უფლება და ეს არ ნიშნავს იმას, რომ დღეს მოხდება რამე ან ხვალ,“ - განაცხადა პაატა სალიამ.