ჩვენ არ განვიხილავთ არც არსებულ კონსტიტუციას, არც სხვა მოდელს, ჩვენ ვსაუბრობთ იმის თაობაზე, თუ როგორ შევქმნათ უფრო ერთიანი, უფრო ძლიერი, უფრო სამართლებრივი სახელმწიფო, - განაცხადა პრეზიდენტმა მმართველი გუნდის განცხადების შეფასებისას, რომლის თანახმადაც გაუგებარია, რას იხილავს პრეზიდენტი საჯარო შეხვედრების დროს, როდესაც საკონტიტუციო ცვლილებების პროექტი დასრულებული არ არის.
,,კომისიის თაობაზე განცხადება უკვე გაკეთებული მაქვს, განმარტებული მაქვს მიზეზი, რატომაც მინდოდა თანათავმჯდომარეობა. თანაავმჯდომარეობა მინდოდა იმიტომ, რომ საზოგადოება ჩამერთო ამ პროცესში. ამას ვაკეთებ კიდეც. მე კომისიის მუშაობაში მინდოდა ჩართვა არა მარტო ჩემი პოზიციიდან გამომდინარე, არამედ იმ მანდატით, რომელიც მაქვს - ხალხის სახელით და მე ამას ვაკეთებ. დღეს ისმის ხალხის ხმა. სახელმწიფო საკონსტიტუციო კომისიის წევრები ამ ხალხის ხმას ისმენენ უშუალოდაც და მედიის მეშვეობითაც, რა მიზანიც მქონდა, რომ ხალხი ყოფილიყო ამ პროცესში ჩართული და პროცესი არ წარმართულიყო დახურულ კარს მიღმა, ამას მე ვახორციელებ ქართველ ხალხთან ერთად”, - განაცხადა გიორგი მარგველაშვილმა.
ქვეყნის პირველი პირის შეფასებით, როდესაც პოლიტიკური პროცესი თავის თავში იკეტება და არ უსმენს სხვის აზრს, აქ პოლიტიკა მთავრდება.
საქართველოს პრეზიდენტმა ადმინისტრაციის წარმომადგენლებთან და პოლიტიკური პარტიების ლიდერებთან ერთად დღეს კამპანიის „კონსტიტუცია ყველასია” ფარგლებში შეხვედრა გამართა თელავის სახელმწიფო უნივრსიტეტში.
