ვიზალიბერალიზაცია იმ ხალხისთვისაა ვისაც ფული აქვს, - ამის შესახებ პარლამენტის წევრმა, თამაზ მეჭიაურმა გადაცემა "პრიორიტეტში" განაცხადა. მისი აზრით, ევროპა საქართველომ უნდა გამოიყენოს და არა პირიქით.
"ევროპაში შესვლას ვუჭერ მხარს ისე, რომ შევინარჩუნოთ ის ფასეულობები, რომელიც ჩვენ გაგვაჩნია. იქიდან მივიღოთ კიდევ რაიმე სარგებელი და არა ისე რომ ჩვენ ყველანაირად გამოგვიყენონ, ჩვენ გვაბრძოლონ ყველგან, ლტოლვილები ჩვენთან გამოუშვან და ჩვენ მხოლოდ და მხოლოდ უვიზო მიმოსვლა მივიღოთ და ისიც იმ ხალხისთვის ვისაც ფული აქვს. ეს კარგია, სადამდეც მივდივართ, მაგრამ უნდა მივიღოთ გაცილებით მეტი სარგებელი, ვიდრე ჩვენ გავიღებთ იქით და არა პირიქით, ჩვენ არ უნდა დავთმოთ ყველაფერი და არ უნდა ვიყოთ მეათეხარისხოვანი ქვეყანა“, - განაცხადა მეჭიაურმა.