მედიასთან მიმართებაში, ჩვენ ბევრი შეცდომა გვაქვს დაშვებული, ჭკვიანი ადამიანი ამ შეცდომებს გაითვალისწინებდა , - ამის შესახებ “ევროპული საქართველოს” ერთ-ერთმა ლიდერმა გიგი უგულავამ ჟურნალისტებს “რუსთავი 2”-ის მხარდამჭერი აქციის დასრულების შემდეგ განუცხადა.
“მედიასთან მიმართებაში, ჩვენ ბევრი შეცდომა გვაქვს დაშვებული, ჭკვიანი ადამიანი ამ შეცდომებს გაითვალისწინებდა და არ გაიმეორებდა. სამწუხაროდ, დღეს ხელისუფლებაში ჭკუის დეფიციტია. დღეს რასაც ვხედავთ, შეცდომებს არა თუ იმეორებენ, არამედ ისინი უფრო მძიმე შეცდომებს უშვებენ. დღევანდელი შეცდომები არა მარტო მედიას, არამედ სასამართლოსაც დაანგრევს და გამოუსწორებენ ზიანს მოუტანს. ჭკვიანი ადამიანი სხვის შეცდომებზე სწავლობს, სამწუხაროდ, ეს ხელისუფლება საერთოდ ვერ სწავლობს და უფრო მძიმე შეცდომებს უშვებს, დღეს თუ “რუსთავი 2” აღარ იქნება, ხვალ დიდ ორმოში აღმოვჩნდებით, საიდანაც ამოსვლა ნებისმიერ ხელისუფლებას გაუჭირდება”, - განაცხადა გიგი უგულავამ.