„არ არსებობს თავისუფლება, თუ არ არის აზრთა სხვადასხვაობა, თუ არ არის ამ აზრთა გაჟღერების შესაძლებლობა," - რუსთავი 2-ის მხარდამჭერ აქციაზე შეკრებილებს პროდიუსერმა, ირაკლი საღინაძემ მიმართა.
„ჩვენ გვინდა, ვიყოთ ძალიან მრავალფეროვანნი, ჭრელნი. თავისუფალი ადამიანების გარეშე თავისუფალი ქვეყანა არ არსებობს. "ჩემი ცოლის დაქალაქები" არის ამ სიჭრელის ასახვის საშუალება. გაუმარჯოს აზრთა სხვადასხვაობას, ამ სხვაობის დემონსტრირების შესაძლებლობას,“ - განაცხადა ირაკლი საღინაძემ.
თბილისში, რუსთაველის გამზირზე, პარლამენტის შენობის წინ “რუსთავი 2”- ის მხარდამჭერი აქცია მიმდინარეობს. აქციაზე ათასობით მოქალაქეა შეკრებილი. ტელეკომპანია „რუსთავი 2“-მა მაუწყებლობა განაახლა. არხი მის მიერ ორგანიზებულ აქციას აშუქებს. „რუსთავი 2" და ტელევიზიის ვებგვერდი საპროტესტო მაუწყებლობის რეჟიმში ორი დღის განმავლობაში იმყოფებოდა.