"რუსთავი 2"-ის დაცვა არის იმ აქტიური, ჭკვიანი და პროფესიონალი ადამიანების დაცვა, რომლებიც ამ არხზე მუშაობენ", - ამის შესახებ "საერთაშორისო გამჭვირვალობა - საქართველოს" აღმასრულებელი დირექტორი ეკა გიგაური "ფესიბუქის" საკუთარ გვერდზე წერს.
"გადავხედე ფეისბუქს და ძალიან მაგარი რაამ ვნახე, რასაც გულწრფელი სოლიდარობა ქვია ძალიან ბევრი ადამიანის მხრიდან, რომლებსაც ყოველთვის ძალიან დიდ პატივს ვცემ..... როდესაც ჟურნალისტები თითქმის ყველა წამყვანი ტელეარხიდან, მათ შორის იმ არხებიდან რომლებსაც ზოგი ადამიანი სახელისუფლებო არხებს უწოდებს, გვერდში უდგანან თავის კოლეგებს რუსთავი 2-დან. ხოდა იმის თქმა მინდა, რომ რუსთავის დაცვა არის იმ აქტიური, ჭკვიანი და პროფესიონალი ადამიანების დაცვა, რომლებიც ამ არხზე მუშაობენ. ასევე იმის დაცვა, რომ ნებისმიერს აქვს აზრის გამოთქმის უფლება და თუ ეს აზრი არ მოგწონს უბრალოდ არ დაეთანხმო და გააგრძელე შენი გზა... განსხვავებული აზრის გამო კი ვინმეს მტრად გადაქცევა არასწორია. შეიძლება ვაკრიტიკოთ რუსთავი 2 და არ მოგვწონდეს მაგრამ ამას მხოლოდ ის უნდა დაუპირისპირო, რომ სხვა არხზე გადართო. პოლიტიკურად ნეიტრალური რომც არ იყო, შენს მიერ გამოთქმულ აზრს არსებობის უფლება აქვს და მისი გამოთქმის გამო არ უნდა გაგანადგუროს ვინმემ. მოკლედ ეს არის ის უმარტივესი რამ, რის ახსნასაც ვცდილობთ ამდენი ხანი. ყველას გვახსოვს რა მდგონარეობაში იყო ქართული მედია 2012 წლამდე ხოდა ეს აღარასოდეს არ უნდა დაბრუნდეს, რადგანაც ყველამ ვიცით ამას რა მოყვა. სოლიდარობას ვუცხადებ რუსთავი ორს და არა მხოლოდ მათ არამედ ქართულ მედიას , რადგან რუსთავის მიხურვით დაიწყება ქართულ მედიის მიხურვა...ეს მხოლოდ დასაწყისი იქნება და არავინ იფიქროს, რომ რუსთავის შემდეგ მათზე არ გადმოვა "ყურადღება" !", - წერს ეკა გიგაური.