საქართველოს პრეზიდენტის საპარლამენტო მდივანი ანა დოლიძე ე.წ მოსმენების კანონში ცვლილებებთან დაკავშირებით შეხვედრებს განაგრძობს.
ანა დოლიძე ოპერატიულ-ტექნიკური სააგენტოს შესახებ კანონპროექტზე, რომელიც ფარულ საგამოძიებო მოქმედებებთან დაკავშირებული საკანონმდებლო პაკეტის ნაწილია, დღეს საქართველოს კომუნიკაციების ეროვნული კომისიის თავმჯდომარეს ვახტანგ აბაშიძეს შეხვდა.
შეხვედრაზე ის საკითხები და შენიშვნები განიხილეს, რომელიც ე.წ. მოსმენების კანონში ცვლილებებთან დაკავშირებით საქართველოს კომუნიკაციების ეროვნულ კომისიას გააჩნია.
პრეზიდენტის საპარლამენტო მდივნის ანა დოლიძის განცხადებით, პრეზიდენტის ადმინისტრაცია დაინტერესებულია ხელი შეუწყოს კომუნიკაციების ეროვნული კომისიის შენიშვნების განხილვას პარლამენტში.