პრემიერ-მინისტრი გიორგი კვირიკაშვილი მიუნხენის უსაფრთხოების 53-ე კონფერენციის ფარგლებში არაბულ სახელმწიფოთა ლიგის გენერალურ მდივან აჰმედ აბულღეითს შეხვდა.
საუბრის მთავარი თემა ბოლო წლების განმავლობაში არაბულ სახელმწიფოებთან მთელ რიგ სფეროებში თანამშრომლობის გაძლიერების მიმართულებით გადადგმული ნაბიჯები, მათ შორის, დიპლომატიური ურთიერთობების გაფართოება და ეკონომიკური თანამშრომლობის გაძლიერება იყო.
გიორგი კვირიკაშვილმა საუბრისას სავაჭრო-ეკონომიკური ურთიერთობების შემდგომი გააქტიურების მნიშვნელობას გაუსვა ხაზი.
პრემიერ-მინისტრმა არაბულ სახელმწიფოთა ლიგას საქართველოს ტერიტორიული მთლიანობისა და სუვერენიტეტის ურყევი მხარდაჭერისთვის მადლობა გადაუხადა და გენერალური მდივანი აჰმედ აბულღეითი საქართველოში მიიწვია.