„ბევრს ვერ წარმოუდგენია, რატომ არ საუბრობს პატრიარქი პროკურორის და საბრალდებო დასკვნის ენით – ან ვერ წარმოუდგენია, ან განგებ ითხოვს ასეთი ხარისხის დაძაბულობას“, - განაცხადა პარლამენტის ვიცე-სპიკერმა გია ვოლსკიმ დეკანოზ გიორგი მამალაძესთან დაკავშირებით საქართველოს კათოლიკოს-პატრიარქის მიერ გაკეთებული განცხადების შეფასებას.
„ის, თუ რას ადასტურებს ეს მოცემულობა, ამას გამოძიება იტყვის. როდესაც დაკავებულია გერმანიაში ციანიდით მიმავალი ადამიანი და არავითარი საფუძველი არ არსებობს იმის თქმისა, რომ რაღაც განზრახვა არ ჰქონდა, რასაკვირველია, შესაძლო უბედურებაზე თავისუფლად შეიძლება ლაპარაკი“, - აღნიშნა დეპუტატმა და დასძინა, რომ გამოძიებამ ყოველგვარი მიკერძოების გარეშე თავისი სიტყვა უნდა თქვას.
სრულიად საქართველოს კათოლიკოს-პატრიარქმა ილია მეორემ გნაცხადა, რომ კარგად იცნობს მამა გიორგის და მისგან კარგის მეტი არაფერი უნახავს.
„მე ვიცნობ მამა გიორგის უკვე კარგა ხანია და კარგის მეტი არაფერი მომისმენია და მინახავს მისგან, - თქვა პატრიარქმა.