ძალიან საპასუხისმგებლო გადაწყვეტილება მივიღე, რომ პოლიტიკა დავტოვე და გადმოვედი სამართლის სფეროში, - აცხადებს მანანა კობახიძე საკონსტიტუციო სასამართლოს მოსართლეობის კანდიდატად მისი დასახელების შესახებ. კობახიძის განცხადებით, გუნდმა მას ნდობა გამოუცხადა არა როგორც პარტიის და ფრაქციის წევრს, არამედ როგორც იურისტს.
”პოლიტიკაში მოვედი იმისთვის, რომ ირღვეოდა სამართლიანი სასამართლოს უფლება. მე ვფიქრობ, იმაზე დიდი პატივი არაფერია, რომ იურისტს მოგეცეს შესაძლებლობა ემსახურო კონსტიტუციის უზენაესობას ქვეყანაში და იყო კონსტიტუციის მცველი და მოდარაჯე. გუნდში იყო მსჯელობა გარკვეულ საკითხებზე, იყო მოსაზრებები სხვადასხვა კანდიდატურასთან დაკავშირებით, თუმცა საბოლოო ჯამში გუნდმა გადაწყვიტა ასე. ეს არის გამოწვევა. პირველ რიგში ძალიან საპასუხისმგებლო გადაწყვეტილება მივიღე, რომ პოლიტიკა დავტოვე და გადმოვედი სამართლის სფეროში. მადლობა გუნდს ნდობის გამოცხადებისთვის და ეს ნდობა გამომიცხადა არა როგორც ფრაქციის და პარტიის წევრს, არამედ როგორც იურისტს”, - განაცადა კობახიძემ.
მისივე თქმით, მოსამართლე მხოლოდ კონსტიტუციისა და კანონის წინაშეა ვალდებული და არა რაიმე პოლიტიკური ინტერესების.
