თარიღი    დრო

თავდაცვის მინისტრმა გერმანიის თავდაცვის სამინისტროს საპარლამენტო მდივანი მიიღო

საქართველო, თბილისი - 10:47 12.10.2016 1484

 

საქართველოში ოფიციალური ვიზიტით გერმანიის ფედერაციული რესპუბლიკის თავდაცვის სამინისტროს საპარლამენტო მდივანი იმყოფება. რალფ ბრაუსკიპეს ვიზიტი საქართველოს თავდაცვის მინისტრთან ლევან იზორიასთან შეხვედრით დაიწყო.

ლევან იზორიამ სტუმარს გერმანიის პოლიტიკური და პრაქტიკული მხარდაჭერისთვის მადლობა გადაუხადა და აღნიშნა, რომ მისი ვიზიტი საქართველოსა და გერმანიას შორის წარმატებული თანამშრომლობისა და მეგობრობის დასტურია.

მხარეებმა თავდაცვის სფეროში ორმხრივ თანამშორმლობაზე ისაუბრეს, რაც საერთო ინტერესების გარდა, საქართველოს თავდაცვის უწყებაში მიმდინარე ტრანსფორმაციის პროცესში გერმანიის მხრიდან დამხარებასაც მოიცავს. ყურადღება გამახვილდა სამხედრო განათლების სფეროში სამომავლო თანამშრომლობაზე.   

ავღანეთში მიმდინარე „მტკიცე მხარდაჭერის“ მისიაში ქართველი და გერმანელი სამხედროების ერთობლივი მონაწილეობა შეხვედრის ერთ-ერთი განხილვის თემა იყო. როგორც ლევან იზორიამ განაცხადა, მისთვის საამაყოა ქართველი სამხედროების წვლილი ავღანეთში მიმდინარე მისიაში საერთაშორისო კოალიციური ძალების მხარდამხარ, რაც ქართული კონტინგენტის ნატოს ძალებთან თავსებადობას უწყობს ხელს. გერმანულმა მხარემ კი, კიდევ ერთხელ აღნიშნა ქართველი მშვიდობისმყოფელების პროფესიონალიზმი და მათი კონტრიბუცია გლობალური უსფართხოების საქმეში.

საუბარი შეეხო ევრო-ატლანტიკურ სტრუქტურებში საქართველოს მისწრაფებას. როგორც თავდაცვის მინისტრმა აღნიშნა, ევრო-ატლანტიკურ სტრუქტურებში გაწევრიანების გზაზე ქვეყანა  დემოკრატიული რეფორმების გატარებას განაგრძობს. მხარეებმა ნატო-საქართველოს არსებითი პაკეტის (SNGP) იმპლემენტაციის პროცესიც განიხილეს. თავდაცვის მინისტრმა რალფ ბრაუსკიპეს პაკეტის განხორციელების პროცესში გერმანიის მხარდაჭერისთვის მადლობა გადაუხადა. აღინიშნა, რომ SNGP-ის წარმატებით იმპლემენტაციის პროცესის შესანიშნავი მაგალითებია ნატო-საქართველოს წვრთნისა და შეფასების ერთობლივი ცენტრის (JTEC) და თავდაცვის ინსტიტუციური აღმშენებლობის სკოლის (DIB School)  პროექტები. ყურადღება გამახვილდა ასევე, ნოემბერში გამართულ ნატო-საქართველოს სწავლებაზე. მინისტრმა ასევე, აღნიშნა, რომ ქართული მხარე მზადყოფნას გამოთქვამს ალიანსის მოკავშირე და პარტნიორ ქვეყნებს მსგავსი სახის სწავლებებისა და გადასროლისწინა წვრთნებისთვის JTEC-ის ინფრასტრუქტურა შესთავაზოს.

ლევან იზორიამ გერმანელ სტუმრებს საქართველოს თავდაცვის სამინისტროში მიმდინარე ტრანსფორმაციის პროცესის შესახებაც მიაწოდა ინფრომაცია. მისი თქმით, საფრთხეებისა და გამოწვევების გათვალისწინებით, თავდაცვის სამინისტროს ახალმა ხელმძღვანელობამ თავდაცვის სისტემის განვითარებისთვის ახალი სტრატეგიული ხედვა შეიმუშავა, რომელიც ძლიერი და ეფექტიანი, წესებზე დაფუძნებული თავდაცვის სისტემის ჩამოყალიბებას ისახავს მიზნად და საფუძვლად დაედება სამხედრო ძალების ტრანსფორმაციისა და მოდერნიზაციის პროცესს. სტრატეგიული განვითარება წარიმართება 5 მიმართულებით: თავდაცვის დაგეგმვისა და მართვის სისტემების ინტეგრირების ხარისხის გაზრდა; ძალების ოპტიმიზაცია; ძალების მზადყოფნა; ინსტიტუციური რეფორმები და საერთაშორისო ჩართულობა.

გერმანიის ფედერაციული რესპუბლიკის თავდაცვის სამინისტროს საპარლამენტო მდივანთან  შეხვედრას თავდაცვის მინისტრის პირველი მოადგილე ლელა ჩიქოვანი, გენერალური შტაბის უფროსი, ბრიგადის გენერალი ვლადიმერ ჩაჩიბაია და  გერმანიის ატაშე, ვიცე-პოლკოვნიკი ფრანც-იოსეფ ნოლტე დაესწრნენ.




konfliqtebi

ყველა სიახლის ნახვა...

Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)
სარეკლამო ბანერი (250px)
სარეკლამო ბანერი (250px)

15:37 „ელიტ ელექტრონიქსმა“ Hitachi-ს ბრენდის უახლესი მოდელის მაცივრები წარმოადგინა

15:39 შატო მუხრანის 2013 წლის საფერავმა გავლენიან ღვინის საერთაშორისო კონკურზე ოქროს მედალი მოიპოვა

12:19 გიორგი ჭუმბურიძე: უნდა გაუქმდეს სამრეწველო დანადგარებზე საბაჟო გადასახადი

16:09 „თეგეტა მოტორსი“ ევროპული ბრენდის EXIDE-ის აკუმულატორების ყველაზე დიდ არჩევანს გთავაზობთ

13:24 „ელიტ ელექტრონიქსი“ მომხმარებლებს კონდიციონერების ყველაზე დიდ არჩევანსა და საუკეთესო პირობებს სთავაზობს

18:26 „თეგეტა მოტორსმა“ ჰაკათონის გამარჯვებული გუნდი დააჯილდოვა

16:12 Golden Brand 2016 - გავლენიანი ბიზნეს დაჯილდოება და ორი ბიზნეს ოსკარი „ზედაზენს“

16:01 „თეგეტა მოტორსმა“ ოქროს ბრენდის დაჯილდოვების ცერემონიაზე ორი ჯილდო მოიპოვა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 75.1%
შემცირდა 21.1%
არ შეცვლილა 3.8%