სანამ არ მოხდება აღიარება, რომ ეკონომიკა და ექსპორტი მცირდება, მანამდე ლარის გაუფასურება არ შეჩერდება, - განაცხადა საპარლამენტო უმცირესობის წევრმა ოთარ კახიძემ პარლამენტის პლენარულ სხდომაზე.
„თურმე, ონლაინ სესხები და ბანკები არიან დამნაშავეები, რომ ეს ვითარებაა. თურმე, ლარის გაუფასურება ფასებზე არ ასახულა და მთავრობა 35 ათას იპოთეკარს უნდა დაეხმაროს. სანამ პრობლემის აღიარება არ მოხდება, რომ ეკონომიკა და ექსპორტი მცირდება, მანამდე ლარის გაუფასურება არ შეჩერდება. ეს უმძიმესი წნეხია, რომელიც მოსახლეობას აწევს“, - განაცხადა კახიძემ.
დღეს, ზოგიერთ კომერციულ ბანკში აშშ დოლარის ფასი 2.63 ლარს აღწევდა, ორი საათის შემდეგ, უცხოური ვალუტის ფასმა 2.68 ლარამდე აიწია, ხოლო 15:00 საათის მონაცემებით, აშშ დოლარის ფასი უკვე 2.73 ლარს შეადგენს.