საქართველო კვლავ რუსეთის პასუხის მოლოდინშია. საბაჟო ადმინისტრირებისა და სასაქონლო ვაჭრობის მონიტორინგის მექანიზმებთან დაკავშირებულ საკითხებზე ქართული მხარე რუსეთის პასუხს ელის. ზურა აბაშიძის განცხადებით, ჯერ არც ქართულ და არც რუსულ მხარეს არ დაუწყია შვეიცარულ კომპანია SGS-თან მუშაობა. თუმცა საქართველოს პრემიერ-მინისტრის სპეციალური წარმომადგენელი რუსეთთან ურთიერთობის საკითხებში იმედოვნებს, რომ აღნიშნული საკითხი უახლოეს მომავალში გადაწყდება. აბაშიზე- კარასინის შეხვედრაზე სწორედ 2011 წელს საბაჟო მონიტორინგის შესახებ გაფორმებული ხელშეკრულება იყო ერთ-ერთი მნიშვნელოვანი თემა. აღნიშნულ დოკუმენტზე მუშაობა ქართულმა მხარემ უკვე დაასრულა და ამჟამად რუსეთის მხარის კონკრეტულ ინფორმაციას ელის.