,,ქართული ოცნება-დემოკრატიული საქართველოს“ წევრი მანანა კობახიძე რუსეთის საგარეო საქმეთა სამინისტროს განცხადებას ეხმაურება, რომლის თანახმადაც მოსკოვი მზადაა არჩევნების შემდეგ, გააგრძელოს დიალოგი საქართველოსთან ვაჭრობის, ტრანსპორტის, კულტურულ-ჰუმანიტარულ სფეროებში.
,,ჩვენ მოთაფლულ შემოთავაზებაზე არ უნდა ვიყოთ დამოკიდებული, ყველა საფრთხე არის გაზომილი. რა თქმა უნდა, რუსეთის ბაზარი არ არის ჩვენთვის მთავარი და არსებითი, თუმცა, არის მნიშვნელოვანი ჩვენი მოქალაქეებისთვის. თუ ექსპორტი გაიხსნება, თუ სავაჭრო ეკონომიკური ურთიერთობები გაიზრდება, ეს, რა თქმა უნდა, გამოადგება ჩვენს ქვეყანას, მაგრამ ამაზე არ უნდა იყოს ქვეყანა დამოკიდებული, არც ვართ და არც ჩვენი პოლიტიკა არ არის იქით მიმართული, რომ ვიყოთ ამაზე დამოკიდებული», - მანანა კობახიძე.
