სან დიეგოში პოლიციელების მიერ დაჭრილი 30 წლის აფროამერიკელი საავადმყოფოში გარდაიცვალა. ექიმებმა მისი გადარჩენა ვეღარ შეძლეს. ინციდენტი გამთენიისას ქალაქ ელ-კაჰონში მოხდა. თვითმხილველთა ჩვენებით, პოლიციელებმა აფროამერიკელს მას შემდეგ ესროლეს, რაც ის სამართალდამცავთა ბრძანებას დაემორჩილა და ხელები აწია. ინციდენტიდან რამდენიმე წუთში პოლიციის შენობასთან 200-მდე ადამიანმა საპროტესტო აქცია მოაწყო. მკვლელობაში ეჭვმიტანილი პოლიციელები სამსახურიდან უკვე დაითხოვეს.