უკრაინულმა ავიაკომპანიებმა Bravo Airways-მა და DART-მა საქართველოს მიმართულებით რეგულარული ფრენების დაწყებაზე შესაბამისი ნებართვა უკვე მიიღეს.
როგორც უკრაინული მედია, უკრაინის ავიაციის სამსახურზე დაყრდნობით წერს, DART-ი საქართველოს მიმართულებით რეგულარულ ფრენებს 15 ოქტომბრიდან დაიწყებს და კვირაში 7 რეისს განახორციელებს შემდეგი მიმართულებით: ოდესა-თბილისი, ლვოვი-ბათუმი, ლვოვი-თბილისი, კიევი-თბილისი და კიევი-ბათუმი.
რაც შეეხება Bravo Airways-ს, ის საქართველოს მიმართულებით რეგურალური რეისების განხორციელებას 30 ოქტომბრიდან და ისიც კვირაში 7 სიხშირით იფრენს: კიევი-ბათუმის, კიევი-თბილისის, კიევი-ქუთაისის, ოდესა-ბათუმის, ოდესა-თბილისის და ოდესა-ქუთაისის მიმართულებით.
აღსანიშნავია, რომ საქართველო-უკრაინას შორის ფრენებს ამ დროისათვის უკვე ასრულებენ: flyUIA, Yanair და Dneproavia.