30 სექტემბრს, 12 : 00 საათზე, ქალაქ ბათუმში, ყინულის სასახლეში, კომპანია ,,GEONET EXPO–ს“ ორგანიზებით ოფიციალურად გაიხსნება მე-6 საერთაშორისო აგრო-სასურსათო პროდუქციისა და ტექნოლოგიების გამოფენა-გაყიდვა „Agro Batumi 2016”. გამოფენა -გაყიდვა სამ დღეს გაგრძელდება და 2 ოქტომბერს საზეიმო ვითარებაში დაიხურება.
"GEONET EXPO" საქართველოში ერთ-ერთი პირველი საგამოფენო კომპანიაა და ბათუმში გამოფენების ორგანიზებით, ხელს უწყოს რეგიონში ამ სფეროს განვითარებას.
გამოფენის თანაორგანიზატორები არიან: აჭარის ა.რ. მთავრობა, აჭარის ა.რ. სოფლის მეურნეობის სამინისტრო, ქალაქ ბათუმის მერია, აჭარის სავაჭრო-სამრეწველო პალატა, საქართველოს საერთაშორისო ინვესტორთა ასოციაცია , აჭარის ტელევიზია, TV25 , გაზეთი ,,აჭარა’’ და ,,CAUCASUS BUSINESS WEEK’’ – მედია მხარდამჭერი.
„Agro Batumi 2016” ფართო მაშტაბის მატარებელია, ის წლიდან წლამდე უფრო მიმზიდველი და შედეგის მომტანი ხდება. მონაწილე კომპანიებს სამი დღის განმავლობაში საშუალება ეძლევათ საკუთარი პროდუქცია ფართო მომხმარებლებს გააცნონ და ამავდროულად რეკლამირებაც გაუწიონ. გამოფენის მსვლელობისას იგეგმება სარეკლამო და საინფორმაციო ტურები, პრეზენტაციები, შეხვედრები მასმედიის წარმომადგენლებთან.