„თავისუფალი ზონის“ წევრთა დღევანდელმა განცხადებამ კიდევ ერთხელ დაადასტურა ის რაზეც ჩვენ ვსაუბრობთ, - განაცხადა „ქართული ოცნება - დემოკრატიული საქართველოს“ აღმასრულებელმა მდივნმა. ირაკლი კობახიძე „თავისუფალი ზონის“ ყოფილი წევრების დღევანდელი განცხადებას გამოეხმაურა, რომლის თანახმადაც, მიხეილ სააკაშვილს მათი რესურსის გამოყენება არეულობის მოსაწყობად სურს.
,,რეალურად, „ნაციონალური მოძრაობის“ ოფისებში იგეგმება დესტაბილიზაცია, კონკრეტული გეგმა დგება ამასთან დაკავშირებით, კონკრეტული დაჯგუფებები, ე.წ. დამატებითი ორგანიზაციები იქმნება ამ გეგმის განსახორციელებლად. ეს არის ის, რაზეც ჩვენ ვსაუბრობდით მთელი ამ დროის განმავლობაში, ძალიან კარგია, რომ „ნაციონალურ მოძრაობაშიც“ აღმოჩნდნენ ისეთი ადამიანები რომლებიც ემიჯნებიან დანაშაულებრივ გეგმას. ჩვენ ამასთან დაკავშირებითაც ვამბობდით, რომ შიგნით „ნაციონალურ მოძრაობაში“ არის განხეთქილება, არის მოტივაციის ნაკლებობა, ეს ყველაფერი დაკავშირებულია იმ დანაშაულებრივ გეგმებთან, რომელსაც აწყობენ „ნაციონალური მოძრაობის“ ლიდერები, მიხეილ სააკაშვილის ხელმძღვანელობით ოდესიდან“, - განაცხადა კობახიძემ.