საქართველოს პრემიერ-მინისტრის შეფასებით, საკონსტიტუციო სასამართლოს თავმჯდომარის, მონათხრობი არარეალისტურს გავს.
გიორგი კვირიკაშვილმა ჟურნალისტებთან კომენტარი გააკეთა გიორგი პაპუაშვილის მიერ გუშინ გაკეთებულ განცხადებებთან დაკავშირებით.
"ჩვენ შევხვდით და მოვუსმინე პაპუაშვილს. მას ჰქონდა ყველანაირი საშუალება, დაედასტურებინა ეს პროკურატურაში. დანარჩენი სხვა რა უნდა გითხრათ. მე არ მაქვს უფლება, გავაკეთო პოლიტიკური კომენტარები, მაგრამ ეს ყველაფერი ჰგავს არარეალისტურ მონათხრობს",-აღნიშნა პაპუაშვილმა.
საკონსტიტუციო სასამართლოს თავმჯდომარემ გიორგი პაპუაშვილმა გააკეთა განცხადებები, რომ საკონსტიტუციო სასამართლოს მოსამართლეებზე ზეწოლა ხორციელდება. პროკურატურაში გამოიკითხნენ, როგორც მოსამართლეები, ისე პაპუაშვილი, თუმცა არც ერთ გამოკითხულ მოსამართლეს ზეწოლაზე არ უსაუბრია.
27 აგვისტოს კი, გიორგი პაპუაშვილმა კიდევ ერთი განცხადება გაავრცელა, სადაც აღნიშნა, რომ "ხელისუფლებისა და მმართველი პოლიტიკური გუნდის წარმომადგენლების მხრიდან უკანასკნელ პერიოდში საკონსტიტუციო სასამართლოსა და ცალკეულ მოსამართლეებზე განხორციელებულმა შეტევამ საგანგაშო ხასიათი მიიღო".
