ცესკოს წინააღმდეგ „რესპუბლიკური პარტიის“ სარჩელზე სასამართლო გადაწყვეტილებას სავარაუდოდ დღეს გამოაცხადებს.
პარტიამ თბილისის საქალაქო სასამართლოში ცენტრალური საარჩევნო კომისიის გადაწყვეტილება გაასაჩივა. საუბარია საარჩევნო სუბიექტების ნუმერაციაზე, რომლის მინიჭებაც პატრიოტთა ალიანსისა და ახალი მემარჯვენეებისთვის წილისყრის გარეშე მოხდა.
პროცესი 4 საათზე მეტხანს გაგრძელდა.
პროცესის დასრულების შემდეგ თამარ ხიდაშელმა განაცხადა, რომ ვერც მოპასუხე და ვერც პოლიტიკური პარტიების წარმომადგენლებმა სასამართლოზე ვერ წარმოადგინეს მყარი სამართლებრივი არგუმენტები, თუ რატომ არ უნდა დაკმაყოფილდეს „რესპუბლიკური პარტიის“ სარჩელი.
,,ჩვენ ოპტიმისტურად ვართ განწყობილი და ველოდებით სასამართლოს გადაწყვეტილებას, ვინაიდან ჩვენი პოზიცია მყარია და სამართლებრივად არგუმენტირებული”, - განაცხადა თამარ ხიდაშელმა.
თავის მხრივ ცესკოს წარმომადგენელმა კახა ნარეკლიშვილმა აღნიშნა, რომ სასამართლოზე არ გამოთქმულა არც ერთი არგუმენტი საიმისოდ, რომ ცესკოს ნორმატიული აქტი ბათილად იქნას ცნობილი.
სარჩელთან დაკავშირებით მოსამართლე სათათბიროდ გავიდა.