საპარლამენტო უმრავლესობის წევრის გედევან ფოფხაძის შეფასებით, დედაქალაქის მერთან დაკავშირებით მიმდინარე პროცესები პოლიტიკურად მოტივირებულია. მისი თქმით, აღტაცებული არ არის თბილისში მიმდინარე პროცესებით, თუმცა ბევრი რამ კეთდება.
„ბორჯომელმა ადამიანმა თბილისის საკითხები ასე დეტალურად შევაფასო, ცოტა არაობიექტური გამომივა. დიდი ქალაქია და ყველას გვესმის, რომ ეს ქალაქი გადატვირთულია ყველაფრით. ვერც იმას ვიტყვი, რომ რაღაც აღტაცებული უნდა ვიყოთ იმით, რაც გვაქვს თბილისში, მაგრამ მგონია, რომ ბევრი რამე კეთდება. თუ რამე არ კეთდება იმაზე აქცენტი უნდა გაკეთდეს არა კომპროტაციულ რეჟიმში და არა გამოწვევებით, პროვოცირებით ან ვითარების დაძაბვით. ვიღაცას მართლაც აქვს პოლიტიკური მოტივაცია წინა საარჩევნოდ, ყველა ინსტიტუციაში მოშალოს და დაძაბოს მდგომარეობა. თუ ჩვენ ავყვებით ამ ტენდენციებს, ამით საზოგადოება დაზარალდება და ეს ჩვენი მხიდან არ იქნება სწორი“, - აცხადებს გედევან ფოფხაძე.