„ქართული ოცნება-დემოკრატიულმა საქართველომ“ სამეგრელოს რეგიონში მაჟორიტარი დეპუტატობის კანდიდატები წარდადგინა. ზუგდიდში კანდიდატები საქართველოს პრემიერ-მინისტრმა და პარტიის თავმჯდომარემ გიორგი კვირიკაშვილმა დაასახელა.
გიორგი კვირკაშვილმა თითოეულ მათგანზე ისაუბრა და აღნიშნა, რომ დარწმუნებულია, რომ რომ თითოეული მათგანი ,,ქართული ოცნების“ სათქმელს მიიტანს ამომრჩევლებამდე.
ზუგდიდში კვირიკაშვილმა ,,ქართული ოცნების“ მაჟორიტარად მერაბ ქვარაიას კანდიდატურა წარადგინა. ქვარაია არის ზუგდიდის მუნიციპალიტეტის საკრებულოს თავმჯდომარე, პროფესიით იურისტი და ეკონომისტი. პრემიერის თქმით, მერაბ ქვარაია ზუგდიდელია, მას ყველა კარგად იცნობს. თავადაც კარგად იცის ქალაქის პრობლემები. „დარწმუნებული ვარ ზუგდიდელებს მისი სახით საიმედო დასაყრდენი ეყოლებათ პარლამენტში“,- განაცხადა პრემიერმა.
ზუგდიდის რაიონში მაჟორიტარობის კანდიდატად გიორგი კვირიკაშვილმაედიშერ თოლორაია წარადგინა. „იგი გახლავთ ზუგდიდის მუნიციპალიტეტის გამგებელი, პროფესიით იურისტია, ახალგაზრდა და ენერგიული კაცია. დარწმუნებული ვარ, ასევე ენერგიულად გააგრძელებს ზუგდიდელების ინტერესების დაცვას პარლამენტში“- განაცხადა „ქართული ოცნების“ თავმჯდომარემ.
მისი თქმით წალენჯიხისა და ჩხოროწყუში მაჟორიტარობის კანდიდატი ,,ქართული ოცნებიდან“ გოგა გულორდავა იქნება. „ბატონი გოგა გახლავთ წალენჯიხის მუნიციპალიტეტის გამგებელი, პროფესიით ისიც იურისტია. მჯერა, რომ გოგა ძალ-ღონეს არ დაიშურებს და ყველაფერს გააკეთებს იმისთვის, რომ პარლამენტამდე მიიტანოს წალენჯიხელების და ჩხოროწყუელების სათქმელი“- აღნიშნა კვირიკაშვილმა.
მისივე თქმით, ხობს მაჟორიტარობის კანდიდატად ეყოლება გოდერძი ბუკია. „მას განსაკუთრებული წარდგენა არ სჭირდება, იგი გახლავთ გამოცდილი პარლამენტარი. ბატონი გოდერძი არის თავისი კუთხის ნამდვილი პატრიოტი და დარწმუნებული ვარ, ყურადღებას არ მოაკლებს ხობელებს“’- განაცხადა პრემიერმა.
სენაკის მაჟორიტარად ,,ქართულმა ოცნებამ“ ირაკლი ბერაიას კანდიდატურა დაასახელა.
გიორგი კვირიკაშვლის თქმით, მარტვილისა და აბაშის მაჟორიტარობის კანდიდატი იქნება ოთარ დანელია. „ოთარსაც არ სჭირდება განსაკუთრებული წარდგენა. ამჟამად იგი გახლავთ სოფლის მეურნეობის მინისტრი, იყო შინაგან საქმეთა სამინისტროს მომსახურების სააგენტოს დირექტორი. ოთარი წარმოშობით მარტვილელია, თავისი კუთხის პატრიოტია და, დარწმუნებული ვარ, ყველაფერს გააკეთებს როგორც მარტვილელების, ისე აბაშელების ინტერესების დასაცავად“- აღნიშნა პარტიის თავმჯდომარემ.
მისვე თქმით, ფოთის მაჟორიტარობის კანდიდატი იქნება ირაკლი ხახუბია. „ბატონი ირაკლი ბიზნესიდან მოდის პოლიტიკაში. ის არის წარმატებული ბიზნესმენი და დარწმუნებული ვარ, წარმატებული იქნება პოლიტიკაშიც“,- განაცხადა გიორგი კვირიკაშვილმა.
საქართველოს პრემიერ-მინისტრმა გამარჯვება უსურვა წარდგენილ კანდიდატებს.
„დარწმუნებული ვარ, რომ ისინი წარმატებულად მიიტანენ ჩვენი პარტიის სათქმელს თითოეულ ამომრჩევლამდე. ისინი იქნებიან შეუპოვრები გამარჯვებისათვის ბრძოლაში და ისინი აუცილებად გაიმარჯვებენ და ამით ყველანი ერთად გავიმარჯვებთ, ჩვენი საქართველო გაიმარჯვებს“,- აღნიშნა გიორგი კვირიკაშვილმა კანდიდატების წარდგენის შემდეგ.
