პარლამენტის ვიცე-სპიკერი მანანა კობახიძე გიორგი პაპუაშვილის მიერ მოსამართლეებზე ზეწოლის შესახებ გაკეთებულ განცხადებას ეხმაურება და საკონსტიტუციო სასამართლოს თავმჯდომარეს ურჩევს პროკურატურას მიმართოს. მისი თქმით, პაპუაშვილმა მეტი მტკიცებულებები უნდა წარმოადგინოს სხვა შემთხვევაში, ეს შესაძლოა სასამართლოს დისკრედიტაციად იქნას აღქმული.
„საკონსტიტუციო სასამართლოს თავმჯდომარეს ვურჩევ, მიმართოს მთავარ პროკურატურას. მან ზუსტად იცის რა პროცედურები უნდა იყოს დაცული, რომ ეს არ იყოს ზოგადი განცხადება. ასე უბრალოდ განცხადებებით რომ ვერაფერი მტკიცდება, საკონსტიტუციო სასამართლოს თავმჯდომარემ ყველაზე კარგად იცის. სხვა შემთხვევაში, ეს იქნება განცხადება მხოლოდ დემაგოგიისთვის, რომელიც სასამართლოს დისკრედიტაციას შეუწყობს ხელს“, - განაცხადა მანანა კობახიძემ.
გიორგი პაპუაშვილმა დღეს ცალკეული მოსამართლეების თვალთვლასა და დაშანტაჟებაზე ისაუბრა.
