რუსი სამართალდამცავების მიერ საქართველოში დეპორტირებული ოთარ ყალიჩავა, მეტსახელად ,,ოთარიკ ზუგდიდსკი“ ქართველ სამართალდამცავებს არ დაუკავებიათ. საქართველოს შსს-ს ინფორმაციით, რუსეთიდან ყალიჩავას არა ექსტრადირება, არამედ დეპორტაცია განხორციელდა და იგი ,,კანონიერი ქურდის“ წოდებას არ ფლობს.
გავრცელებული ცნობებით, ოთარ ყალიჩავას ე.წ. ..კანონიერი ქურდის“ სტატუსი
2013 წლის ოქტომბერში ჩამოერთვა http://www.primecrime.ru/characters/3971.
დღეს რუსულ მედიაში გავრცელდა ინფორმაცია, რომ რუსეთის პოლიციის თანამშრომლებმა დაკავებული ე.წ. კანონიერი ქურდის „ოთარიკ ზუგდიდსკის“ მოსკოვიდან თბილისში დეპორტაცია მოახდინეს.
“რუსეთის შინაგან საქმეთა სამინისტროს მთავარი საგამოძიებო დეპარტამენტის თანამშრომლებმა ლიპეცკელ კოლეგებთან ერთად 36 წლის მამაკაცი, საქართველოს მოქალაქე, ე.წ კანონიერი ქურდი დააკავა, რომლის მეტსახელია ოთარიკ ზუგდიდსკი“, - განაცხადა რუსეთის ფედერაციის შს სამინისტროს წარმომადგენელმა ირინა ვოლკმა.