,,ნაციონალური მოძრაობის“ ერთ-ერთი ლიდერი სერგო რატიანი მიიჩნევს, რომ გია გაჩეჩილაძისა და პრემიერ-მინისტრის შეხვედრა საკმარისზე მეტი არგუმენტია იმისათვის, რომ ,,მაესტროს“ ირგვლივ მიმდინარე პროცესს პოლიტიზირებული ეწოდოს.
„არჩევნების წინ ხელისუფლება და ბიძინა ივანიშვილი კვლავ ცდილობენ დაიქვემდებარონ მედია. ეს მეთოდი აპრობირებულია რუსეთში. ეს სცენარი არის დაახლოებით იგივე, როგორც იყო,,რუსთავი 2” -თან მიმართებაში, როდესაც საზოგადოებას უნდა წარმოუდგინონ თითქოს ეს არის ორ კერძო სუბიექტს შორის დავა.. ერთ-ერთი აქციონერი, რომელიც იბარებს არხის მართვას, დემონსტრაციულად ხვდება პრემიერმინისტრს, საკმარისზე მეტი არგუმენტია იმისათვის, რომ პროცესს პოლიტიზირებული ეწოდოს“, - განაცხადა სერგო რატინმა.
შეგახსენებთ, გია გაჩეჩილაძემ და პრემიერ-მინისტრმა დაადასტურეს ინფორმაცია მათი შეხვედრის შესახებ, თუმცა ორივენ აღნიშნეს, რომ ეს იყო მეგობრული შეხვედრა, რომელსაც ,,მაესტროსთან“ კავშირი არ ჰქონია.