სიგარეტსა და ალკოჰოლურ სასმელებზე აქციზის გაზრდა ქვეყანაში კონტრაბანდას შეუწყობს ხელს. ამის შესახებ საპარლამენტო უმცირესობის წევრმა გიორგი ვაშაძემ განაცხადა.
„რაც არ უნდა ვისაუბროთ იმაზე, რომ თქვენ ზრუნავთ ჯანმრთელობაზე, კი ბატონო ძალიან კარგია, მაგრამ მთავარი მიზანი არის ბიუჯეტის შევსება. ვინმემ დათვალა რა ნეგატიურ შედეგებს გამოიღებს, მაგალითად კონტრაბანდასთან მიმართებაში? თუ ჩვენ უსაშველოდ გავაძვირებთ სიგარეტს, ალკოჰოლს, მაშინ რა იქნება?“, - განაცხადა ვაშაძემ
მისივე თქმით, არ არის გამორიუცხული კონტრაბანდა შემოვიდეს ოკუპირებული ტერიტორიებიდან.
“ჩვენს გვაქვს ორი შავი ხვრელი, ოკუპირებული ტერიტორიები, საიდანაც შეიძლება შემოვიდეს კონტრაბანდა და საბოლოო ჯამში პირიქით ზიანი მიიღოს ბიუჯეტმა. დაჩქარებული სახით აქციზს კი არ უნდა ზრდიდეთ, არამედ მოგების გადასახადს უნდა აუქმებდეთ იმისთვის, რომ მეტი ბიზნესი შემოვიდეს ქვეყანაში,“ - განაცხადა გიორგი ვაშაძემ.