საპარლამენტო უმცირესობის წევრი გიგი წერეთელი მთავრობას პენსიების ზრდისკენ მოუწოდებს და აცხადებს, რომ ბიუროკრატიული ხარჯები 450 მილიონი ლარით გაზრდილია.
როგორც დღევანდელ პლენარულ სხდომაზე წერეთელმა განაცხადა, 2016 წლის ბიუჯეტის პროექტით, პენსიების მომატებების შესაძლებლობა არსებობს.
მისი თქმით, დიდი ხანია, ქვეყანაში საკვები პროდუქტები უკვე კრედიტით იყიდება.
„თუკი მთავრობა სოფლებსა და რაიონების მაღაზიებს დაივლის, ნისიების იმხელა სიებს ნახავს, რომ გაოცდება. ეს სია ამ პატარა მაღაზიებს გაკოტრებას უქადნის. მთავრობის არაკომპეტენტურმა ქმედებამ მსგავსი შედეგი მოიტანა. ასეთ ვითარებაში ფული ხარჯვა მართებულად იმისთვის არ მიმაჩნია, რომ ბიუროკრატები უფრო კარგად ცხოვრობდნენ“, - განაცხადა წერეთელმა.