საქართველოს ტექნიკურ უნივერსიტეტში გაიხსნა საერთაშორისო სამეცნიერო კონფერენცია „ლიტვა და საქართველო 520 წლის რეტროსპექტივიდან“. მას პატრონაჟს უწევს ლიტვის განათლებისა და მეცნიერების მინისტრი აუდრონე პიტრენიენე.
ღონისძიება გახსნეს საქართველოს ტექნიკური უნივერსიტეტის ლიტვური ენისა და კულტურის ცენტრის სტუდენტებმა, რომლებმაც ლიტვური ნაციონალური სამოსის კოლექცია წარმოადგინეს. სტუმრებსა და კონფერენციის მონაწილეებს მიესალმა საქართველოს ტექნიკური უნივერსიტეტის რექტორი არჩილ ფრანგიშვილი.
კონფერენციის გახსნის ღონისძიებას ესწრებოდნენ საქართველოში ლიტვის რესპუბლიკის ელჩი გიედრიუს პუოჯიუნასი, ლიტვის განათლებისა და მეცნიერების ვიცე მინისტრი გენოვეიტა კრასაუსკიენესი, საქართველოს განათლებისა და მეცნიერების მინისტრი თამარ სანიკიძე და სხვა მოწვეული სტუმრები.
კონფერენცია ოდღიანია და 18 ნოემბერს დასრულდება
