საპარლამენტო უმრავლესობის ლიდერის პოსტზე საგარეო ურთიერთობათა კომიტეტის თავმჯდომარის პირველი მოადგილე ზვიად კვაჭანტირაძე ოფიციალურად მომავალ კვირას იქნება წარდგენილი.
როგორც „ჯი-ეჩ-ენ“-ს საპარლამენტო კულუარებში განუცხადეს, კოალიცია „ქართული ოცნების“ პოლიტსაბჭოს სხდომა 19-20 ოქტომბერს გაიმართება, სადაც უმრავლესობის მომავალი ლიდერის საკითხზე იმსჯელებენ.
უმრავლესობის ლიდერად კვაჭანტირაძის არჩევა სწორედ პოლიტსაბჭოს სხდომაზე მოხდება.
უმრავლესობის ლიდერის თანამდებობა ვაკანტური მას შემდეგ გახდა, რაც პოსტი დავით საგანელიძემ დატოვა, რომელიც „საპარტნიორო ფონდის“ აღმასრულებელ დირექტორად დაინიშნა.