საქართველო-ევროკავშირის საპარლამენტო ასოცირების კომიტეტის წევრთა რაოდენობა იზრდება. პარლამენტში წარდგენილი ცვლილებებით, აღნიშნული კომიტეტი 10 წევრის ნაცვლად, 20 წევრით იქნება წარმოდგენილი, სადაც 10 ადგილი ძირითადი შემადგენლობისთვის იქნება განკუთვნილი, მეორე 10 ადგილი კი - სათადარიგო შემადგენლობისთვის.
პროექტის ავტორი საგარეო ურთიერთობათა კომიტეტის თავმჯდომარის პირველი მოადგილე ზვიად კვაჭანტირაძეა, რომელიც განმარტავს, რომ ცვლილებების მიზანია, კომიტეტის რეგლამენტის შესაბამისად, საქართველოს პარლამენტში საპირწონე მუდმივმოქმედი დელეგაციის შექმნა.
