„ნაციონალური მოძრაობა“ საქართველოში მოპოვებულ და იმპორტირებულ ნავთობპროდუქტებსა და გაზზე აქციზის გადასახადის მთლიანად გაუქმების ინიციატივით გამოდის.
უმცირესობამ შესაბამისი ცვლილებები - „საგადასახადო კოდექსში“ მოამზადა, რომლის ინიცირებაც უკვე მოხდა.
ცვლილებების ავტორთა განმარტებით, ბენზინის თვითღირებულებაში აქციზის გადასახადს 29 თეთრი უჭირავს, რაც ფასწარმოქმნაზე დიდ გავლენას ახდენს.
მათი შეფასებით, კანონპროექტით იხეირებენ როგორც ბიზნესს სექტორის წარმომადგენლები, ასევე მოქალაქეები, რომლებიც საკუთარ შემოსავლებს დაზოგავენ.