ნინო გვენეტაძემ საერთო სასამართლოების შესახებ კანონპროექტში საკუთარი ინიციატივები შეიტნა და შეთანხმება დაარღვია, - ამის შესახებ იუსტიციის უმაღლესი საბჭოს მდივანმა ლევან მურუსიძემ საბჭოებში საინიციატივო ჯგუფის შეხვედრის შემდეგ ჟურნალისტებთან განაცხადა.
შეხვედრაზე საინიციატივო ჯგუფის წევრებმა შეიმუშავეს წერილი იუსტიციის მინისტრ თეა წულუკიანისადმი, სადაც მინისტრთან შეხვედრას და საკუთარი ინიციატივების შესახებ საუბარს მოითხოვენ.
მურუსიძის განცხადებით, უზენაესი სასამართლოს თავმჯდომარესთან მოხდა შეთანხმება, რომ მოსამართლეთა დისციპლინური პასუხისმგებლობის საკითხის გადაწყვეტა ხმათა ორი მესამედის საფუძველზე უნდა იყოს მიღებული და ეს უნდა შევიდეს კანონპროექტში. თუმცა, მურუსიძის თქმით, ნინო გვენეტაძის გადაწყვეტილებით აღნიშნული შეთანხმება დაირღვა და კანონპროექტში წარმოდგენილია, რომ 8 ხმით უნდა მოხდეს დისციპლინური პასუხისგების საკითხის გადაწყვეტა.
მისივე თქმით, კანონპროექტში ასევე არ არის გათვალისწინებული სხვა შეთანხმებული საკითხებიც.
,,სამწუხაროა, რომ კანონპროექტში არც ერთი ცვლილება არ გაითვალისწინეს, რასაც ჩვენ ვეწინააღმდეგებოდით. უზენაესი სასამართლოს თავმჯდომარემ შეიტანა ეს ცვლილებები და მიგვაჩნია, რომ ის ვერ მიიტანს იუსტიციის სამინისტროში და პარლამენტში იმ ცვლილებებს, რასაც ეთანხმება მოსამართლეთა კორპუსის აბსოლუტური უმრავლესობა", - განაცხადა ლევან მურუსიძემ.
მისი თქმით, საინიციატივო ჯგუფმა განცხადება სწორედ აქედან გამომდინარე შეიმუშავა და ითხოვს საკითხების იუსტიციის მინისტრთან განხილვას.
