ფრაქცია „ქართული ოცნების“ თავმჯდომარე გია ვოლსკი მიიჩნევს, რომ ფინანსური ზედამხედველობის სააგენტოსთან დაკავშირებით, საკონსტიტუციო სასამართლომ პოლიტიკიურად ანგაჟირებული გადაწყვეტილება მიიღო.
როგორც ჟურნალისტებს ვოლსკიმ განუცხადა, საკონსტიტუციო სასამართლოს თავმჯდომარეს, გიორგი პაპუაშვილს გუნდის წევრობა ავალებს, რომ პოლიტიკურად ანგარჟირებული პოზიცია გამოხატოს, რომელსაც სამართლებრივ საკითხებთან კავშირი არ აქვს.
„იურისტი არ ვარ, მაგრამ ერთი შეხედვით ჩანს, რომ საკონსტიტუციო სასამართლომ პოლიტიკიურად ანგაჟირებული გადაწყვეტილება მიიღო, რადგან საკონსტიტუციო დარღვევებთან დაკავშირებით განცხადება არცერთ იურისტს და არცერთ საერთაშორისო ორგანიზაციებს არ გაუკეთებიათ. საკონსტიტუციო სასამართლოს წინა ხელისუფლების მიმართ შენიშვნა არასოდეს ჰქონია. შეიძლება მწვავე განცხადებას ვაკეთებ, მაგრამ ეს ასე ჩანს“, - განაცხადა ვოლსკი.
„ეროვნული ბანკის შესახებ“ კანონში ცვლილებები დეპუტატებმა ნოდარ ებანოიძემ და თამაზ მეჭიაურმა მოამზადეს, რომლის მიხედვითაც, ეროვნული ბანკის დაქვემდებარებიდან ფინანსური ზედამხედველობის სააგენტო გამოვიდა. პარლამენტის მიერ მიღებულ კანონპროექტს პრეზიდენტ გიორგი მარგველაშვილმა ვეტო დაადო, რომელიც უმრავლესობა სექტემბერში დაძლია, უმცირესობამ და „თავისუფალმა დემოკრატებმა“ კი საკონსტიტუციო სასამართლოს მიმართეს.
საკონსტიტუციო სასამართლომ ეროვნული ბანკის შესახებ სარჩელი წარმოებაში მიიღო და საფინანსო ზედამხედველობის სააგენტოს მუშაობა შეაჩერა.
