„გაეროს უშიშროების საბჭოში რუსეთის თავმჯდომარეობა არც მატებს რუსეთს რამეს და არც აკლებს, უბრალოდ მას კოორდინატორის ფუნქცია აქვს. ეს არის და ეს“, - ამის შესახებ გაერო-ში საქართველოს ელჩმა კახა იმნაძემ სასტუმრო „ქორთიარდ მარიოტში“ განაცხადა. მისივე თქმით, ეს ჩვეულებრივი პროცედურული ფაქტია.
„საქმე ისაა, რომ ეს ჩვეულებრივი პროცედურული ფაქტია. უშიშროების საბჭოს ყოველთვე ერთი თავმჯდომარე ქვეყანა ჰყავს. ამდენად, გამოდის, რომ დაახლოებით წელიწად-ნახევარში ერთხელ უშიშროების საბჭოს წევრ ყველა ქვეყანას საბჭოს თავმჯდომარეობა უწევს“, - განაცხადა ელჩმა.
შეგახსენებთ, გაეროს უშიშროების საბჭოს თავმჯდომარე ქვეყანა ერთთვიანი როტაციის პრინციპით რუსეთი გახდა.