პარლამენტის ვიცე-სპიკერის მანანა კობახიძის განცხადებით, თუ სენაკის საკრებულოს თავმჯდომარე დაკისრებულ პასუხისმგებლობას ვერ ასრულებდა, მისი იმპიჩმენტის წესით გადაყენება შეიძლებოდა. თუმცა, კობახიძე ჟურნალისტებთან საუბრისას აღნიშნავს, რომ დეტალები მისთვის უცნობია და კოალიციაში საკითხთან დაკავშირებით კონსულტაციები უნდა გაიმართოს.
,,არ მაქვს დეტალური ინფორმაცია მანდ რა ხდება, მაგრამ უნდა გავერკვიოთ რასთან გვაქვს საქმე იმიტომ, რომ ნებისმიერი რეგიონი, ნებისმიერი მუნიციპალიტეტი, თვითმმართველი ორგანო ჩვენთვის არის მნიშვნელოვანი. თუ რაიმე პრობლემა აქვს საკრებულოს თავმჯდომარეს, ის პასუხისმგებლობებს ვერ ახორციელებს, ბუნებრივია ასეთი გადაწვეტილებებიც შეიძლება იყოს მიღებული”, _განაცხადა კობახიძემ.
შეგახსენებთ, რომ სენაკის საკრებულოს უკვე ყოფილი თავმჯდომარე ხვიჩა ჯიშკარიანი იმპიჩმენტის წესით გადააყენეს. ჯიშკარიანის იმპიჩმენტს მხარი ,,ქართული ოცნებისა” და ,,თავისუფალი დემოკრატების” წევრებმა მისცეს. პროცედურაში ,,ნაციონალურმა მოძრაობამ” და ,,ლეიბორისტებმა ” მონაწილეოგა არ მიიღეს და საკრებულოს სხდომა პროტესტის ნიშნად დატოვეს.
საკრებულოს უკვე ყოფილი თავმჯდომარე ზეწოლაში პრემიერსა და გუბერნატორს ადანაშაულებს. მიზეზად კი ყოფილი თავმჯოდმარე იმას ასახელებს, რომ იგი ყოფილი პრემიერის ბიძინა ივანიშვილის კადრია. უკვე ცნობილია მმართველი გუნდის ახალი კანდიდატის ვინაობაც. აღნიშნულ თანამდებობას ,,ქართული ოცნებიდან” გოჩა ლაშკარავა დაიკავებს.