უკრაინის უმაღლესმა რადამ საკონსტიტუციო ცვლილებებს პირველი მოსმენით მხარი დაუჭირა. პეტრო პოროშენკოს ინიციატივას, რომელიც ხელისუფლების დეცენტრალიზაციას გულისხმობს, მხარი 320 დამსწრე დეპუტატიდან 265-მა დაუჭირა. დონბასისთვის განსაკუთრებული სტატუსის მინიჭების წინააღმდეგ ფრაქციები „ბატკივშინა,“ „სამოზაშიტა“ და „რადიკალური პარტია“ გამოვიდნენ. „ბატკივშინას ლიდერმა იულია ტიმოშენკომ რადის დეპუტატებს კანონპროექტის წინააღმდეგ ხმის მიცემისკენ მოუწოდა.