ეკონომიკის საკითხებში ექპერტი გიგა ბედინეიშვილი 90 %-ით დარწმუნებულია, რომ პარლამენტის საშემოდგომო სესიაზე ეროვნული ბანკის შესახებ კანონპროექტზე პრეზიდენტის მიერ დადებული ვეტო მოიხსნება, რაც ქვეყნისთვის უარყოფით შედეგს გამოიღებს. მისი თქმით, ცვლილება განსაკუთრებით ბიზნესს, ბანკებს და ამასთანავე მომხმარებელსაც დააზარალებს.
როგორც ”ჯი-ეიჩ-ენს” გიგა ბედინეიშვილმა განუცხადა, ეროვნულ ბანკზე კანონში ცვლილების შეტანა ეროვნულ ბანკს დაასუსტებს, ხოლო ხელისუფლებას გააძლიერებს, რადგან ფინანსური ინსტიტუტების ზედამხედველობა მათ ხელში მთლიანად გადავა.
”ეს კონფლიქტი ეროვნულ ბანკთან ძალიან აფრთხობს ბიზნესს და ინვესტორებს. 90 %-ით ვეტო დაძლეულ იქნება. კიდევ გაწბილება ელის ბიზნესს იმ თვალსაზრისით, რომ როგორც ჩანს ამ მავნებლურ კანონმდებლობას რაღაც მიზეზების გამო ხელისუფლება ბოლომდე გაიტანს და ეროვნულ ბანკს დაასუსტებს. ფაქტობრივად გადავა ფინანსური ინსტიტუტების ზედამხედველობა მეჭიაურის ხელში და მთავრობა გააკონტროლებს ფინანსურ ინსტიტუტებს. ეს არ არის კარგი არავისთვის. არც მომხმარებლისთვის და არც ბანკებისთვის, რომლებიც ისე არიან შეშინებულები, რომ ხმას ვერ იღებენ ამის გამო, თუმცა მათაც ეშინიათ ამ ცვლილების”, _ აღნიშნა თავისუფალი და აგრარული უნივერსიტეტის ბიზნეს სკოლის დეკანმა გიგა ბედინეიშვილმა.
მისი ვარაუდით, ეროვნულ ბანკთან დაკავშირებით, კანონპროექტში ცვლილების შეტანით ბიძინა ივანიშვილიც მოითბობს ხელს და მას არჩევნების წინ პოლიტიკური ქულებისთვის გამოიყენებენ.
” ამაზე რამდენიმე ვერსია მაქვს. ერთი შეიძლება იყოს ის, რომ მერე მოხდება ამ პლატფორმის გამოყენება იმისთვის, რომ ბანკებს თუ არა პატარა მსესხებლებს ე.წ მიკროსაფინანსო ინსტიტუტებს მთავრობა ”მიაწვეს” და მოხდება არჩევნების წინ რაღაცა პოლიტიკური ქულების შეგროვება. ბერკეტად გამოიყენებს ხელისუფლება და პოპულისტურ ქულებს მოაგროვებას, რაც დამღუპველი იქნება პირდაპირ ქვეყნისთვის. შეიძლება არის ივანიშვილის მიერ ფინანსურ სექტორში ხელების ფათურის მცდელობები. მოგეხსენებათ ივანიშვილს ბანკი ”ქართუ” აქვს, ამიტომ ალბათ ობიექტური რეგულაციები და ზედამხედველობა მათ არაფერში არგებთ”, _ განმარტავს გიგა ბედინეიშვილი.
შეგახსენებთ, რომ ხვალ, პირველ სექტემბერს, პარლამენტის საშემოდგომა სესია გაიხსნება. 2 სექტემბერს კი, პლენარული სხდომის ცატარება იგეგემება. ერთ- ერთი მთავარი საკითხი, რაც საშემოდგომო სესიის დასაწყისში მსჯელობის ტემა იქნება ”ეროვნული ბანკის” სესახებ კანონპროექტზე პრეზიდენტის მიერ გამოყენებული ვეტო და მის მიერ პარლამენტისთვის შეთავაზებული ე.წ მოტივირებული შენიშვნებია.