ფრაქცია ,,ქართული ოცნების” თავმჯდომარე გია ვოლსკი პოლიტიკური პარტიების მხრიდან შუალედური არჩევნებისთვის ბოიკოტის გამოცხადების აზრს ვერ ხედავს. როგორც ჟურნალისტებთან ვოლსკიმ საკითხის შეფასებისას აღნიშნა ქვეყანაში არსებობენ პარტიები რომლებიც არჩევნებში მონაწილეობას მიიღებენ.
მისივე თქმით, პარტიების ნაწილი ,,ნაციონალურ მოძრაობის” სატელიტებს წარმოადგენენ.
"ბოიკოტის აზრს ვერ ვხედავ იმ პარტიებისგან, რომლებსაც არავითარი პერსპექტივა არ აქვთ არჩევნებში რაიმე წარმატება მოიპოვონ. პარტიების რაღაც ჯგუფი "ნაციონალურ მოძრაობაზე" ადრეც იყო აყოლილი და მის სატელიტს წარმოადგენდა. რა თქმა უნდა, ეს მარტო ბოიკოტის თემას არ ემსახურება და გარკვეული დესტაბილიზაციის მიზანს ისახავს, მაგრამ მინდა გითხრათ, რომ მხოლოდ მათი პარტიებით არ მთავრდება ჩვენს ქვეყანაში პარტიული ცხოვრება და არის სხვა პოლიტიკური ძალები, რომლებიც არჩევნებში მონაწილეობას მიიღებენ", - განაცხადა გია ვოლსკიმ.
შეგახსენებთ, რომ არასაპარლამენტო ოპოზიციის ნაწილი, ასევე, ,,ნაციონალური მოძრაობა” შუალედურ არჩევნებს ბოიკოტს უცხადებს.
