თავდაცვის მინისტრის თინა ხიდაშელის შეფასებით, შუალედური არჩევნებისთვის ბოიკოტის გამოცხადების მიზეზი საარჩევნო სისტემა არ არის. მისი თქმით, საპარლამენტო და არასაპარლამენტო ოპოზიციას უბრალოდ "გარდაუვალ წაგებაში" მონაწილეობის მიღება არ სურს.
"საარჩევნო სისტემა არ არის მთავარი მიზეზი. მათ არ უნდათ გარდაუვალ წაგებაში მიიღონ მონაწილეობა. როდესაც პოლიტიკური პარტია არჩევნებს უცხადებ ბოიკოტს, მაშინ კარგად უნდა დაფიქრდე და ჩამოყალიბდე, გესმის თუ არა, რას ნიშნავს, იყო პოლიტიკური ძალა. არასდროს, ჩვენი საქმიანობის არც ერთ ეტაპზე, რესპუბლიკურ პარტიას არც ერთი არჩევნებისთვის არ გამოუცხადებია ბოიკოტი, რადგან ეს არის პირველ რიგში საკუთარი ამომრჩევლის უპატივცემულობა და მეტი არაფერი. ამ გადაწყვეტილებით ისინი ბოიკოტს უცხადებენ შესაძლოა, პროცენტულად მცირე, მაგრამ ერთგულ ამომრჩევლებს, რომლებიც მათ ჰყავთ", - აღნიშნა ხიდაშელმა.
რაც შეეხება საგარეჯოში წარდგენილ კანდიდატს, ხიდაშელი აცხადებს, რომ საგარეჯოელები მიიღებენ ბევრად უფრო ენერგიულ დეპუტატს, ვიდრე აქამდე ჰყავდათ.
,,თამუნა იყო ერთ-ერთი საუკეთესო, ყველაზე აქტიური და მებრძოლი ახალგაზრდა იურისტთა ასოციაციაში. იმის შემდეგაც მან თავისი საქმიანობა გააგრძელა საქართველოსთან ევროკავშირის ასოცირების მიმართულებით და უამრავ პროექტში მონაწილეობდა. დღეს მუშაობს სახალხო დამცველის ოფისში და ჩემი აზრით, ეს ის მნიშვნელოვანი გამოცდილებაა, რომელიც მას წაადგება", - განაცხადა თინა ხიდაშელმა.
აქართველოს პრემიერ-მინისტრმა ირაკლი ღარიბაშვილმა მარტვილსა და საგარეჯოში დაგეგმილ შუალედური არჩევნებისთვის ,,ქართული ოცნების” კანდიდატები დაასახელა. როგორც პრემიერმა კოალიციის ცენტრალურ ოფისში გამართულ პრესკონფერენციაზე განაცხადა მარტვილში ,,ქართული ოცნების” კანდიდატი სოსო დანელია იქნება, საგარეჯოში კი თამარ ხიდაშელი.
არასაპარლამენტო ოპოზიციის ნაწილი, ასევე, ,,ნაციონალური მოძრაობა” შუალედურ არჩევნებს ბოიკოტს უცხადებს.