მასშტაბური საპროტესტო აქციები ერაყში. ბაღდადსა და ქვეყნის დიდ ქალაქებში წყალმომარაგებისა და ელექტროენერგიის მიწოდების გაუმჯობესების მოთხოვნით მასობრივი მსვლელობები გაიმართა. ელექტრო და წყალგაყვანილობის სისტემები ერაყში საომარი მოქმედებების შედეგად დაზიანდა, რამაც ბასრას, ბაკუბასა და სხვა ქალაქების მოსახლეობას სერიოზული პრობლემები შეუქმნა. ვითარება განსაკუთრებით ივლისში გამწვავდა, როდესაც ჰაერის ტემპერატურამ სარეკორდო მაჩვენებელს მიაღწია. ერაყში ბოლო 4 დღეა, 50 გრადუსი სიცხეა.