ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი დარწმუნებულია, რომ ყოფილი მაღალჩინოსნები, რომლებიც სხვადასხვა დანაშაულში არიან ბრალდებული პასუხს აგებენ ქართული სასამართლოს წინაშე. ამის შესხებ, სუბარმა თავდაცვის ყოფილი მინისტრის დავით კეზერაშვილის ინტერპოლის ძებნილთა სიიდან ამოღების შეფასებისას განაცხადა.
,,დარწმუნებული ვარ, რომ კეზერაშვილიც, სააკაშვილიც, ადეიშვილიც და ყველა კრიმინალი დაბრუნდება და პასუხს აგებს ქართული სასამართლოს წინაშე და ეს ადამიანები სასჯელს ე.წ. მატროსოვსა თუ სხვა დაწესებულებებში მოიხდიან”, _აღნიშნა სუბარმა.
შეგახსენებთ, რომ დავით კეზერაშვილის მიმართ გამოცემული წითელი ცირკულარით საერთაშორისო ძებნა ინტერპოლმა გააუქმა. ასევე ექსპრეზიდენტის მიხეილ სააკაშვილის მიმართ საერთაშორისო ძებნის გამოცხადებაზე ინტერპოლის გენერალური სამდივნოს მიერ დადებითი გადაწყვეტილება არ იქნა მიღებული. მთავარი პროკურატურა გეგმავს მიმართოს ინტერპოლის შესაბამის დანაყოფს და არსებულ მტკიცებულებებზე დაყრდნობით მოითხოვოს მიხეილ სააკაშვილის მიმართ საერთაშორისო ძებნის გამოცხადება, ხოლო დავით კეზერაშვილის მიმართ საერთაშორისო ძებნის აღდგენა.
