მინისტრთა კაბინეტში განხორციელებულ ცვლილებებს პოზიტიურად აფასებს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა მინისტრი სოზარ სუბარი და აცხადებს, რომ გიორგი მღებრიშვილმა საკმაოდ წარმატებული რეფორმები გაატარა.
,,მღებრიშვილი ბოლო პერიოდში ძალიან საპასუხისმგებლო თანამდებობებზე იყო. იყო გუბერნატორი სადაც წარმატებული კვალი დატოვა და ერთ-ერთ ყველაზე რთულ სფეროში სასჯელაღსრულების სამინისტროში საკმაოდ წარმატებული რეფორმები ჩაატარა”, _აცხადებს სუბარი.
მისივე თქმით, კახა კახიშვილი, რომელიც სასჯელაღსრულების მინისტრი გახდა, საკმაოდ კარგად იცნობს საზოგადოება, როგორც თავდაუზოგავ მებრძოლს.
„კახიშვილს კარგად იცნობს საზოგადოება, როგორც უფლებადამცველს, როგორც თავდაუზოგავ მებრძოლს არაადამიანური რეჟიმის წინააღმდეგ და ბოლო პერიოდში ის იყო გოგა მღებრიშვილის თანაგუნდელი და იმ რეფორმების თანამონაწილე,“-აცხადებს სოზარ სუბარი.